قواطع جبس بورد ديكور ومع باب

القاطع الجبس بورد نوعين: قاطع ديكور مفتوح يفصل المكان بالشكل ويخلي النور والهوا يمشون، مثل الأعمدة الطولية مع سبوتات في الأرضية. وقاطع كامل يقسم الصالة أو الغرفة الكبيرة لغرفتين.

القاطع الكامل هيكل حديد مثبت في الأرض والسقف وألواح على الجهتين. ينبني بسرعة، بدون تكسير، وما يثقّل الأرضية. ونجهّز فيه فتحة الباب ونقوّي جوانبها عشان الباب يثبت، ونحط صوف صخري داخله إذا تبي عزل صوت.

ونخفي داخل القاطع الأسلاك والأفياش ومفاتيح الإضاءة، عشان يطلع جدار نظيف جاهز للصبغ.